Arrestohen dy të dyshuar për shitblerje të narkotikëve në Ferizaj

Dy persona janë arrestuar nën dyshimin për shitblerje të narkotikëve në Ferizaj.

Në raportin 24 orësh të Policisë, thuhet se të dyshuarve gjatë kontrollit derisa ishin në veturë iu gjet kokainë, e në shtëpi edhe një sasi tjetër e kokainës njërit prej tyre, raporton “Betimi për Drejtësi“.

“Rr. Besim Rexhepi, Ferizaj / 25.05.2026 – 21:30. Janë arrestuar dy të dyshuar meshkuj kosovarë për shkak se gjatë kontrollit derisa kanë qenë në veturë u janë gjetur dhe konfiskuar 5.79 gramë substanca të dyshuara narkotike të llojit kokainë, dhe gjatë kontrollit në shtëpinë e njërit prej tyre janë gjetur dhe konfiskuar 26.09 gramë të tjera substanca të dyshuara narkotike të llojit kokainë”, njofton Policia.

Bëhet e ditur se pas intervistimit me vendim të prokurorit dy të dyshuarit janë dërguar në mbajtje.