Aktorja Anne Hathaway ka realizuar bashkëpunimin e saj të tretë me regjisorin Christopher Nolan.
Hathaway dhe regjisori i “Oppenheimer” e nisën bashkëpunimin e tyre në vitin 2012 kur ajo luajti rolin e Catwoman në filmin “The Dark Knight Rises”.
Dy vjet më vonë, ajo luajti një rol në “Interstellar” së bashku me Matthew McConaghey.
Hathaway iu bashkua kastit të filmit të ri të Nolan-it këtë vit. Përveç saj, në këtë film kanë luajtur role edhe Matt Damon, Tom Holland, Charlize Theron dhe Zendaya.
Në një intervistë për ‘Women’s Wear Daily’, aktorja tha: “Unë i dua shumë Chris dhe Emma Nolan, dhe të qenit i ftuar në botën e tyre është një nga gjërat më të mira që mund të përjetoni. Kur më ftuan herën e dytë ishte diçka e veçantë, kështu që mendova se një herë e tretë do të ishte e tepërt dhe as që guxoja të shpresoja për të, tani që më ftuan, ndjej shumë emocione dhe ndjej se po bëj diçka siç duhet”.
Artistja i tha më parë Vanity Fair se roli i saj në “Interstellar” e shpëtoi karrierën e saj kur shumë njerëz po ktheheshin kundër saj.
Pasi fitoi një Oscar për “Les Miserables”, ajo u bë një nga aktoret më të urryera dhe ndërkohë gjeti artikuj me titujt: “Pse të gjithë e urrejnë Anne Hathaway?”.
Ajo mendoi se do të ndikonte negativisht në karrierën e saj dhe tani beson se Nolan e shpëtoi karrierën e saj duke i ofruar “Interstellar”.
“Njerëzit nuk më jepnin role sepse ishin të shqetësuar për toksicitetin që shoqëronte imazhin tim në internet. Christopher Nolan nuk u interesua për këtë lloj gjëje dhe ai më dha një nga rolet më të bukur në një nga filmat më të mirë”, theksoi Anne. /Telegrafi/
