Është konfirmuar që reperi i njohur Kendrick Lamar do të performojë në ngjarjen më të ndjekur në Amerikë, shfaqjen e ndërprerjes në Super Bowl LIX.
Kendrick Lamar do të performojë për herë të dytë në këtë event madhështor, por për herë të parë do të jetë artisti kryesor në këtë event.
Reperi 37-vjeçar nga Compton është i njohur si një nga tekstshkruesit më kreativë në zhanrin hip-hop. Në vitin 2018, ai u bë artisti i parë hip-hop që fitoi Çmimin Pulitzer për muzikë.
Përndryshe, artistë si Rihanna, Usher, Beyonce, Rolling Stones dhe Bruce Springsteen janë ndër artistët e tjerë të mëdhenj që kanë performuar në këtë ngjarje sportive.
Super Bowl është ngjarja më e madhe sportive në SHBA, duke tërhequr dhjetëra miliona shikues, si dhe duke u transmetuar në të gjithë botën.
