Një rast i vjedhjes së rëndë është raportuar në Gjakovë, ku persona të panjohur kanë hyrë me forcë në një shtëpi dhe kanë vjedhur një armë zjarri me 30 fishekë.
Sipas Policisë, ngjarja ka ndodhur më 22 qershor 2026, rreth orës 06:50. Pronari i shtëpisë ka raportuar se në momentin e incidentit ndodhej jashtë vendit, ndërsa arma e vjedhur ishte me leje.
Lidhur me rastin, njësitet përkatëse policore kanë nisur hetimet për identifikimin dhe kapjen e të dyshuarve.
