Mbrojtësi i Kombëtares së Kosovës, Amir Rrahmani, do të jetë pjesë e Napolit edhe për disa vite të tjera. Lojtari është pjesë e gjigantit italian që nga viti 2020 dhe ka nënshkruar një kontratë të re deri në vitin 2029.
Kontrata aktuale e Rrahmanit me Napolin skadonte në vitin 2027, por ai ka refuzuar oferta nga Fenerbahce dhe klube arabe për t’i qëndruar besnik skuadrës bardhekaltër. Sipas gazetarit Nicolo Schira, marrëveshja është arritur dhe tashmë është nënshkruar, ndërsa Rrahmani do të përfitojë një pagë prej 3,8 milionë euro në sezon, nga 2,5 milionë sa fitonte më parë.
32-vjeçari do të qëndrojë kështu besnik Napolit dhe pritet që deri në fund të kontratës të shënojë 9 vjet të qëndrueshme te klubi italian.
