Dy trena lokalë u përplasën ballë për ballë në Danimarkë të enjten, duke lënë të lënduar të paktën 17 persona, katër prej të cilëve janë në gjendje kritike, tha shërbimi i emergjencës për Reuters.
Transmetuesi publik DR tregoi imazhe të dy trenave të verdhë dhe gri, të dy me dëmtime të dukshme në pjesën e përparme, përballë njëri-tjetrit në një zonë të pyllëzuar, raporton Reuters.
Incidenti ndodhi në veri të Kopenhagës, në një linjë treni që lidh qytetet Hillerod dhe Kagerup, tha policia në një deklaratë.
