Komentatori politik Ilir Deda, ka reaguar ndaj zhvillimeve të fundit në skenën politike, duke kritikuar atë që e cilëson si përpjekje për zhvendosje të debatit nga Lëvizja Vetëvendosje.
Sipas Dedës, diskutimi aktual po fokusohet në emra të partive apo kandidatëve, ndërkohë që, siç thekson ai, thelbi i procesit duhet të jetë ndërtimi i parimeve mbi të cilat do të zgjidhet presidenti.
“Ka një lloj tentimi për zhvendosje të debatit prej VV-së. Po përmenden emra të partive të tjera, por emri është fundi, nuk është fillimi i identifikimit. Së pari duhet të dihet mbi çfarë parimesh po zgjidhet ai president dhe storja e këtij presidenti,” tha Deda
Ai shtoi se mungesa e një baze të qartë parimore dhe politike e bën të vështirë arritjen e një marrëveshjeje për zgjedhjen e presidentit.
“Pasi që kjo nuk ekziston dhe nuk do të bëhet, unë nuk besoj se do të arrijmë deri aty, sepse nuk është krijuar klima e duhur,” u shpreh ai. /Gazeta10
