Një aksident tragjik me fatalitet ka ndodhur mbrëmjen e së martës në Skenderaj, ku si pasojë e goditjes nga një veturë ka humbur jetën profesori Miftar Lushtaku.
Ngjarja ka ndodhur rreth orës 21:00 në rrugën “Skënderbeu”, ku sipas raportit të Policisë së Kosovës, një këmbësor mashkull kosovar është goditur nga një automjet, duke pësuar lëndime fatale.
Policia ka bërë të ditur se drejtuesi i veturës, i dyshuar mashkull kosovar, është arrestuar menjëherë pas rastit.
“Është arrestuar i dyshuari mashkull kosovar, pasi që me veturë nga pakujdesia ka goditur për vdekje këmbësorin mashkull kosovar. Me vendim të prokurorit, trupi i pa jetë i viktimës është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje”, thuhet në njoftimin e policisë.
Rasti është duke u hetuar nga njësitet kompetente për të sqaruar plotësisht rrethanat e aksidentit tragjik.
Raportohet se këmbësori që u godit për vdekje në Skënderaj ishte profesor nga kjo komunë
