Futbollisti kosovar Granit Xhaka nuk do të jetë i gatshëm për ndeshjen e fundjavës ndaj Arsenalit, pasi ende nuk e ka kaluar plotësisht lëndimin në kyçin e këmbës që e pësoi javën e kaluar.
Lajmin e konfirmoi trajneri i Sunderlandit, Régis Le Bris, gjatë konferencës për media:
“Nuk ka ndonjë përditësim të madh për momentin, por prania e tij në ekip është ende shumë e fortë. Presim me padurim të kemi versionin më të mirë të tij përsëri së shpejti.”
Xhaka ka munguar në dy ndeshjet e fundit të Sunderlandit, kundër West Ham dhe Burnley, dhe situata e tij do të monitorohet gjatë ditëve në vijim për rikthimin në stërvitje dhe lojë.
