Vetëm brenda 24 orëve të fundit, në Policinë e Kosovës janë raportuar pesë raste të dhunës në familje, ku pothuajse në secilin rast viktimat janë gra.
Sipas njoftimit të policisë, në tri prej rasteve të dyshuarit janë arrestuar dhe dërguar në mbajtje, ndërsa në dy raste të tjera janë liruar dhe rastet po trajtohen në procedurë të rregullt.
DHUNË NË FAMILJE
Prishtinë / 18.01.2026 – 00:02
Është raportuar se ankuesja, femër kosovare, ka qenë viktimë e dhunës psikike nga i dyshuari mashkull kosovar. Palët janë intervistuar dhe me vendim të prokurorit rasti vazhdon të trajtohet në procedurë të rregullt.
Pejë / 19.01.2026 – 20:30
Është arrestuar i dyshuari mashkull kosovar nën dyshimin se ka kryer veprën e dhunës në familje. Me vendim të prokurorit, i dyshuari është dërguar në mbajtje.
Rahovec / 18.01.2026 – 17:50
Janë arrestuar dy të dyshuar meshkuj kosovarë, pasi dyshohet se janë rrahur mes vete. Si pasojë, njëri nga të dyshuarit ka pësuar lëndime trupore dhe ka marrë tretman mjekësor. Me vendim të prokurorit, të dyshuarit janë dërguar në mbajtje.
Rahovec / 18.01.2026 – 20:50
Është arrestuar një i dyshuar kosovar, pasi dyshohet se ka kryer veprën e dhunës në familje ndaj një viktime mashkull kosovar. Pas inicimit të rastit, me vendim të prokurorit, i dyshuari është dërguar në mbajtje.
Mitrovicë / 18.01.2026 – 13:00
Është raportuar se i dyshuari mashkull kosovar ka ushtruar presion psikologjik ndaj ankueses femër kosovare, si dhe e ka sulmuar fizikisht atë. Me vendim të prokurorit, rasti vazhdon të trajtohet në procedurë të rregullt.
Policia apelon që rastet e dhunës në familje të raportohen me kohë, në mënyrë që të parandalohet përshkallëzimi i tyre dhe të mbrohen viktimat.
