Tre persona janë arrestuar (dy shtetas të Kosovës dhe njëri i Serbisë) pasi të njëjtit pas një mosmarrëveshje ishin përleshur fizikisht mes vete.
Sipas raportit 24 orësh të Policisë së Kosovës bëhet e ditur se ngjarja ka ndodhur të hënën rreth orës 16:00 në rrugën “Zoran Dzindzic”, në veri të Mitrovicës.
Tutje bëhet e ditur se si pasojë e përleshjes të dyshuarit kanë pësuar lëndime të lehta trupore për çka u është ofruar tretman mjekësor.
“Janë arrestuar tre të dyshuar meshkuj boshnjakë (dy shtetas të Kosovës dhe njëri shtetas i Serbisë) pasi të njëjtit pas një mosmarrëveshje ishin përleshur fizikisht në mes vete. Si pasojë e përleshjes të dyshuarit kanë pësuar lëndime të lehta trupore për çka dhe u është ofruar tretman mjekësor. Me vendim të prokurorit të dyshuarit janë liruar, rasti vazhdon në procedurë të rregullt”, thuhet në raport.
