Aleanca për Ardhmërinë e Kosovës (AAK) do të garojë si subjekt i vetëm në zgjedhjet e 28 dhjetorit, ka deklaruar nënkryetari i kësaj partie, Daut Haradinaj.
Nënkryetari i AAK-së, Daut Haradinaj, deklaroi se koalicioni në zgjedhjet e 9 shkurtit me Nismën nuk rezultoi i suksesshëm dhe, sipas tij, madje shkaktoi edhe dëm.
Zgjedhjet më 28 dhjetor u caktuan nga presidentja Vjosa Osmani, më 20 nëntor, pasi shpërndau legjislaturën e nëntë, meqë gjatë tetë muajve nuk arriti të funksionalizohet puna e kuvendit dhe dy herë dështoi edhe zgjedhja e qeverisë.
Fushata zgjedhore do të fillojë me datën 17 dhjetor, ndërkaq periudha e aplikimit për regjistrim të votuesve jashtë Kosovës ka nisur me datën 26 nëntor dhe përfundon me 6 dhjetor.
