Tri vajza të mitura janë arrestuar të martën nën dyshimin se ishin përfshirë në një rrahje mes vete të hënën në Stacionin e Autobusëve në Drenas.
Sipas Policisë, rasti u iniciua si “Lëndim i lehtë trupor”.
“Stacioni i Autobusëve, Gllogoc 24.11.2025 – 12:50. Më 25.11.2025 janë identifikuar dhe janë arrestuar tri femra të mitura, si të dyshuara, pasi me datën e lartcekur janë përfshirë në rrahje në mes veti. Me vendim të prokurorit, të dyshuarat pas intervistimit, janë dërguar në mbajtje”, thuhet në njoftim.
“Betimi për Drejtësi” kishte publikuar pamjet nga kjo rrahje mes nxënësve tek Stacioni i Autobusëve.
