Presidenti i Ukrainës, Volodymyr Zelensky, ka njoftuar se në sulmet ruse gjatë natës në Ukrainë janë vrarë nëntë persona.
Rusia ka lëshuar më shumë se 470 dronë dhe 47 raketa në një “sulm të papërmbajtur”, shkroi ai në një postim në Telegram.
Tre rrethe të qytetit të dytë më të madh të Ukrainës, Kharkiv, u goditën nga një sulm masiv me dronë, duke lënduar më shumë se 30 persona, përfshirë edhe fëmijë. Fotografitë e publikuara online treguan ndërtesa dhe makina në flakë.
Ministria e Energjisë së Ukrainës njoftoi se ndërprerje të energjisë elektrike po prekin disa rajone në të gjithë vendin.
