Përgatiti: Pranvera Krasniqi
Në orët e vona të mbrëmjes së djeshme, një grua ka denoncuar vëllain e saj në stacionin policor të Mitrovicës së Veriut, për kanosje.
I dyshuari R.B. e kishte kanosur motrën e tij vetëm pse ajo punon në institucion shtetëror të Kosovës.
Edhe pse viktima ishte pjesë e kabinetit të Ilir Pecit, kryetari i Zveçanit thotë se deri tash nuk ka informacione lidhur me rastin.
Sidoqoftë, i dyshuari 27 vjeç, tashmë është në duart e policisë, dhe me vendim të prokurorit u dërgua në mbajtje për 48 orë.
Ai dyshohet se vazhdimisht kishte kanosur verbalisht motrën e tij, viktimën femër kosovare, për të njëjtën arsye, veç pse po punonte në institucion shtetëror të Kosovës.
