Presidentja e vendit, Vjosa Osmani, e cila këto ditë ndodhet për vizitë zyrtare në Kolumbi, përmes një postimi të bërë në Facebook, ka uruar Ditën e Forcës.
E para e shtetit ka thënë se në Ditën e Ushtrisë, nderojmë Forcën e Sigurisë së Kosovës, ndërsa shkruan se ushtarët e FSK-së janë gardianë të paqes dhe të mbrojtjes, pa kompromis të sovranitetit e integritetit territorial të Kosovës.
Në fund ajo thotë se lavdia e përjetshme u takon heronjve dhe dëshmorëve, të cilët i hodhën themelet e Ushtrisë.
