Presidentja Vjosa Osmani priti sot në takim lamtumirës ambasadorin e Bullgarisë në Prishtinë Hristo Gudjev, të cilin e falënderoi për angazhimin gjatë mandatit të tij, duke vlerësuar lart kontributin në forcimin e marrëdhënieve bilaterale mes dy shteteve.
Osmani theksoi se partneriteti Kosovë-Bullgari ka kontribuuar në avancimin e bashkëpunimit në ekonomi, arsim, kulturë dhe diplomaci.
E para e vendit tonë njëherësh shtroi nevojën e vazhdimit të mbështetjes së Sofjes zyrtare në rrugëtimin euro-atlantik dhe fuqizimin e pozitës ndërkombëtare të Kosovës.
