Në vitin 2016, Angelina Jolie paraqiti kërkesën për divorc nga Brad Pitt.
Megjithatë, një burim i brendshëm zbuloi se ish-çifti ende po punon për zgjidhjen e çështjeve të divorcit, gati tetë vjet pas ndarjes së tyre.
Duke folur për PEOPLE, burimi tha: “Të dyja palët ende janë në bisedime, por ende nuk është përfunduar.”
Kur ata njoftuan ndarjen, fansat mbetën të shokuar, pasi çifti konsiderohej si një nga çiftet më të njohura të Hollivudit, si në ekran ashtu edhe jashtë tij.
Pitt dhe Jolie u takuan për herë të parë gjatë xhirimeve të filmit të tyre të njohur me temë spiunazhi, “Z. dhe Znj. Smith” — dhe ndonëse fillimisht mohuan thashethemet për një lidhje, më vonë pranuan se ishin “dashuruar” gjatë xhirimeve të filmit — një deklaratë që shkaktoi polemika, pasi Pitt ishte ende i martuar me Jennifer Aniston në atë kohë. Me thashethemet për “Brangelina” që qarkullonin, Pitt dhe Aniston njoftuan ndarjen e tyre pas pesë vitesh martesë, dhe Aniston paraqiti zyrtarisht kërkesën për divorc nga Pitt, duke cituar “mosmarrëveshje të papajtueshme.”
Pas kësaj, çifti vazhdoi të forcojë lidhjen dhe familjen e tyre, duke ndarë gjashtë fëmijë: Maddox, 22 vjeç; Zahara, 19 vjeç; Pax, 20 vjeç; Shiloh, 18 vjeç; dhe binjakët Knox dhe Vivienne, të cilët do të mbushin 16 vjeç më 12 korrik.
Një burim ka fajësuar mungesën e kontaktit të Brad me fëmijët për shkak të axhendës së ngarkuar të aktorit.
Aktori aktualisht ndodhet në Europë për xhirimet e filmit të tij të ri me temë garat F1, ndërsa Jolie jeton në Los Anxhelos me fëmijët më të vegjël.
“Ai pothuajse nuk ka kontakt me fëmijët e rritur. Angazhimi i tij me fëmijët më të vegjël është kufizuar më shumë muajt e fundit për shkak të axhendës së tij të xhirimeve,” tha burimi për PEOPLE. “[Angelina] ka fëmijët shumicën e kohës, por sipas marrëveshjes së tyre, ai ka të drejtën e takimeve me fëmijët më të vegjël.”
