Zgjedhjet e brendshme në LDK, sot mblidhet Këshilli i Përgjithshëm i kësaj partie

Këshilli i Përgjithshëm i Lidhjes Demokratike të Kosovës do të mblidhet sot, për t’u përgatitur për zgjedhjet e brendshme të kësaj partie. Sipas njoftimit të kësaj partie, mbledhja do të mbahet në orën 16:00.

Pas mbledhjes së kryesisë së LDK-së, të mërkurën, kryetari i kësaj partie Lumir Abdixhiku në konferencë për media njoftoi se vendimi për shpalljen e zgjedhjeve të brendshme do t’ia dërgojnë Këshillit të Përgjithshëm të LDK-së, i cili do të mblidhet këtë të premte, për të formalizuar kështu zgjedhjet e rregullta të brendshme të LDK-së.

Kuvendi i ri, përveç Kryetarit, pritet të nxjerrë edhe Kryesinë e re të partisë dhe organet tjera drejtuese. /atvlive.tv