Një rast i vjedhjes së rëndë është denoncuar gjatë ditës së enjte në fshatin Shupkovc të Mitrovicës së Jugut.
Pronari i shtëpisë ka raportuar në Polici se persona, deri më tani të paidentifikuar, kanë arritur të depërtojnë me forcë brenda objektit të banimit.
Sipas raportit të Policisë, të dyshuarit kanë kontrolluar hapësirat e brendshme dhe kanë vjedhur gjësende të ndryshme me vlerë.
Menjëherë pas marrjes së njoftimit, në vendin e ngjarjes kanë dalë njësitë përkatëse policore, të cilat kanë kryer ekzaminimet e nevojshme për të siguruar prova materiale.
