Vetura e policisë përfshihet në një aksident në Drenas, lëndohen tre persona

Një veturë e Policisë së Kosovës është përfshirë në një aksident trafiku me një veturë tjetër në Drenas, ku si pasojë kanë mbetur të lënduar tre persona.

Rastin e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 06:00 kemi pranuar informatën se në Drenas, ka ndodhur një aksident trafiku me lëndime. Në këtë aksident kanë qenë të përfshira dy vetura, njëra prej tyre veturë zyrtare e policisë. Me rastin po merret njësiti i trafikut rajonal”, ka thënë Ahmeti.