Sulmuesi i Kosovës, Vedat Muriqi, është pezulluar për një ndeshje nga Komisioni Disiplinor i Federatës Spanjolle të Futbollit.
Muriqi u ndëshkua me karton të kuq në humbjen 3-0 të Mallorcës ndaj Barcelonës, pasi ngriti këmbën lartë dhe goditi në kokë portierin Joan Garcia, i cili më pas mbeti me ënjtje në fytyrë.
Fillimisht gjyqtari i dha vetëm karton të verdhë, por pas ndërhyrjes së VAR-it, vendimi u ashpërsua në të kuq.
Për pasojë, sulmuesi shqiptar do të mungojë në ndeshjen e radhës të Mallorcës kundër Celta Vigos.
Në anën tjetër, klubi spanjoll është përforcuar këtë verë edhe me mbrojtësin shqiptar Marash Kumbulla, i cili pritet të adaptohet më shpejt falë pranisë së Muriqit si lider i skuadrës.
