Vdes personi që e qëlloi veten me armë zjarri në lagjen Bregu i Diellit

Një ngjarje e rëndë ka ndodhur mëngjesin e sotëm në lagjen Bregu i Diellit në Prishtinë, ku një person i ka dhënë fund jetës. Vdekja e viktimës është konstatuar në Emergjencë, ndërsa tashmë kanë nisur hetimet.

Bëhet fjalë për një 42-vjeçar, i cili e ka qëlluar veten me armë zjarri dhe përkundër ndihmës së ofruar nuk ka arritur të mbijetojë.

Në Emergjencë i ndjeri është dërguar pa shenja jete, ku edhe është konfirmuar vdekja nga ekipi mjekësor.

Nga Policia Rajonale në Prishtinë akoma nuk janë deklaruar për rastin.