Vdes një person në Lipjan, u godit aksidentalisht nga traktori

Një person ka vdekur dje në Lipjan, pasi u godit nga traktori. Sipas raportit të policisë, viktima nga pakujdesia e ka ndezur traktorin në mënyrë të parregullt derisa ishte në shpejtësi, dhe si pasojë, traktori ka lëvizur në mënyrë të pakontrolluar duke e goditur viktimën.
Vdekja e tij është konstatuar në emergjencën e qytetit, ndërsa ekipet policore kanë dalë në vendin e ngjarjes.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.