Vdes një grua nga Restelica e Dragashit, rasti po hetohet si “vdekje e dyshimtë”

Një grua 53-vjeçare nga fshati Restelicë i Dragashit ka ndërruar jetë në rrethana të paqarta.

Ajo është dërguar me autoambulancë në Qendrën Kryesore të Mjekësisë Familjare në Dragash, ku është konstatuar se kishte ardhur pa shenja jete.

Rastin e ka konfirmuar Policia, ndërsa hetues rajonalë dhe njësitë e Forenzikës kanë dalë në vendin e ngjarjes për të mbledhur prova. Viktima është identifikuar me inicialet U.H..

Prokurori i rastit ka urdhëruar trupi i pajetë të dërgohet në Institutin e Mjekësisë Ligjore për obduksion, ndërsa rasti të trajtohet si “Vdekje e dyshimtë”.