U dënua për grabitje, dëbohet nga Zvicra 50 vjeçari kosovar

Gjykata Federale në Zvicër e ka dënuar një kosovar me dëbim nga shteti, pasi është shpallur fajtor për grabitje.

Rati ka ndodhur më 8 shtator 2018, ku një kosovar i maskuar me një bluzë në fytyrë – së bashku me një bashkëpunëtor tjetër të maskuar – kishte sulmuar një person të tretë. Qëllimi i tyre ishte grabitja e një çante krahu në makinë, që kishte para brenda.

Autorët kanë pasur edhe një thikë me vete – dhe e kanë goditur atë edhe me thikë. Më pas ata kanë marrë çantën e krahut dhe janë larguar.

Në nëntor të vitit 2020, Gjykata e Qarkut në Dietikon e ka dënuar kosovarin, që tani është rreth 50 vjeç, me një dënim të pjesshëm (pjesërisht me kusht) prej 30 muajsh burg, për grabitje.

Ai duhej të mbante nëntë muaj burgim efektiv, ndërsa 21 muaj i janë dhënë me kusht, shkruan Limmattaler Zeitung.