Theret një person në Vushtrri, arrestohen tre të dyshuar

Një person është therur në Vushtrri gjatë një rrahjeje midis disa personave.

“Raportohet se pas një mosmarrëveshje mes disa personave ka ardhur deri te rrahja, ku si pasojë lëndime trupore nga therja me thikë ka pësuar viktima mashkull kosovar, i cili është dërguar në QKUK për tretman mjekësor”, thuhet në raportimin e Policisë së Kosovës.

Tre persona janë arrestuar dhe liruar me procedurë të rregullt pas intervistimit.

“Lidhur me rastin tre meshkuj kosovarë janë arrestuar dhe pas intervistimit me vendim të prokurorit dy janë liruar në procedurë të rregullt ndërsa njëri dërgohet në mbajtje”.