Termokos nis sezonin e ngrohjes për mbi 25 mijë konsumatorë

Ndërmarrja publike “Termokos” nis sot sezonin e ngrohjes për mbi 25 mijë konsumatorë të kyçur në rrjetin e saj në Prishtinë.

Sipas ndërmarrjes, të gjitha përgatitjet për sezonin e ri kanë përfunduar dhe janë plotësuar kushtet për fillimin e furnizimit me ngrohje.

Në kuadër të këtyre përgatitjeve, Termokosi ka nënshkruar edhe marrëveshjen për furnizim me energji nga Korporata Energjetike e Kosovës.

Megjithatë, furnizimi fillimisht do të bëhet me kapacitet të kufizuar dhe do të rritet gradualisht, deri në stabilizimin e plotë të sistemit për të gjithë konsumatorët.