Taulant Qenaj emërohet Këshilltar për Media i Kryeministrit Kurti

Gazetari Taulant Qenaj është emëruar këshilltar politik për media i kryeministrit të Kosovës, Albin Kurti.

Lajmin e ka bërë të ditur vetë Qenaj përmes një postimi në rrjetin social Facebook.

“Me kënaqësi ju njoftoj se kam filluar një kapitull të ri profesional. Jam emëruar Këshilltar Politik për Media i Kryeministrit. Mirënjohës kryeministrit, Albin Kurti për këtë mundësi dhe i motivuar për të dhënë më të mirën”, ka shkruar ai.