Takimi me Vuçiqin, Kurti: Jam i gatshëm të shkoj në Bruksel

Kryeministri Albin Kurti, në konferencën për media, i pyetur nëse do të shkojë në Bruksel të takohet më Vuçiqin, ai tha se është i gatshëm të shkojë atje, që të paraqesë të gjitha të dhënat, që sipas tij nënkupton lirimin e pakusht të menjëhershëm të policëve dhe dënimin e agresionit të ushtruar nga Serbia në Kosovë.

“Po, jam i gatshëm që të shkoj në takimin e radhës në Bruksel që të paraqes hollësisht këto të dhëna dhe ta kuptojnë se de-eskalimi i situatës që po e kërkojnë të gjithë, nënkupton lirimin e pakusht të menjëhershëm të policëve dhe dënimin e agresionit të ushtruar nga Serbia në Kosovë. Jam i interesuar ta paraqes gjithë dokumentacionin e Kosovës, për këtë krim ndaj familjeve të tyre, Republikës së Kosovës. De-eskalimi nënkupton drejtësi”, tha ai.