Shtatori do të vë në provë Kombëtaren kuq e zi, me një miqësore kundër Gjibraltarit dhe ndeshjen kualifikuese për Kampionatin Botëror kundër Letonisë.
Trajneri Sylvinho në konferencën për media tregoi për zgjedhjet e tij.
I pyetur se në listë nuk ka asnjë ndryshim përveç lojtarëve të lënduar Silvinjo përgjigjet:
“Ne kemi bërë rreth 50% të rrugëtimit, kemi lujtur 4 ndeshje dhe na presin edhe 4 të tjera shumë të rëndësishme. Për futbollistët që mungojnë, fola me Ismajlin, ai tashmë ka bërë një transferim javët e fundit, ka pasur një lëndim të lehtë dhe kur fola me të i thash që për ty është e rëndësishme që ti të jesh i qetë dhe të pushosh si duhet që të jesh në 100%”
Tutje ai shton se:
“Ne nuk e ndërrojmë një futbollist vetëm se në një ndeshje diçka nuk shkonte. Kam besim te ky grup. Herën e parë që dikush shfaq pakënaqësi, nuk duket i lumtur dhe nuk dëshiron të stërvitet, do ta nxjerr jashtë, por shikoj se të gjithë futbollistët kan dëshirë të luajnë për kombëtaren.”
Emra të rinj nuk ka në listë dhe braziliani ka një përgjigje për këtë:
“Do të ketë ndryshime për ndeshjen ndaj Letonisë, kemi lojtarë si Adrian Bajrami, Medon Berisha, Adrion Pajaziti, të cilët kan bërë një rrugëtim me Kombëtaren U21 dhe akoma nuk kan bërë një 45 minutësh me Kombëtaren A, por, në kohën e duhur. Kemi edhe rreth 20 lojtarë të tjerë që jemi pas tyre, 4 – 5 prej tyre janë lojtarë shumë të mirë që i kemi në vëmendje. Në kohën e duhur do të vijë momenti i tyre.”
Se nëse kishte ndonjë dilemë për lojtarët 51 vjeçari shprehet:
“Për listën, puna fillon që nga fillimi i gushtit, për zgjedhjet e lojtarëve, eksperiecat e futbollit të mësojnë që në ndeshje të rëndësishme të sjellësh lojtarë të rinj ndoshta nuk është momenti i duhur dhe duhet të fokusohemi te lojtarët që janë mësuar me stilin e lojës dhe marrin përgjegjësi dhe nuk është momenti i një djaloshi 20 vjeçar, sigurisht që mund të jetë i mirë por na duhen lojtarë që janë mësuar me skemat tona.”
