Ende pa filluar ndeshjet e shtatorit, Kombëtarja e Shqipërisë ka hasur në mungesa të rëndësishme.
Ylber Ramadani dhe Ernest Muçi, mungojnë për arsye dëmtimi, por tashmë problemeve fizike ka shfaqur edhe portieri Elhan Kastrati.
Ai ka një pësuar një dëmtim në gju dhe pasi iu nënshtrua analizave nga stafi mjekësor, u arrit në përfundimin se nuk mund të jetë i gatshëm.
Në vend të tij, trajneri brazilian ka ftuar portierin e Kombëtares U-21 Simon Simoni, i cili do të jetë në urdhrat e 51 vjeçarit.
Ndërkaq, pjesa tjetër e skuadrës ka vijuar përgatitjet për ndeshjet e shtatorit në ditën e tretë në kampin stërvitor në Malaga të Spanjës.
Kujtojmë se Shqipëria do të luajë më 4 shtator një miqësore ndaj Gjibraltarit në transfertë, me sfidën që nis në ora 18:00, ndërsa më datë 9 shtator kombëtarja do të presë Letoninë në sfidën e kualifikueseve që do të zhvillohet në stadiumin “Air Albania” dhe fillon nga ora 20:45. /ATVLIVE.TV
