Sveçla për hapjen e Urës së Ibrit: Është çështje e momentit kur duhet të hapet
Ministri i Punëve të Brendshme, Xhelal Sveçla ka thënë se qeveria vazhdon t’i ketë planet e njëjta për hapjen e Urës së Ibrit.
Për të parin e MPB-së, për Urën e Ibrit të gjithë kanë qenë në dijeni, dhe se sipas tij vet prezenca e KFOR-it aty tregon se ata e kanë ditur një gjë të tillë.
Reklamë
“Nuk ka ndodhur hapja. Vazhdojmë ti kemi planet për ta hapur. Për Urën të gjithë kanë qenë qenë në dijeni, është edhe vet prezenca e KFOR-it është dëshmitar. Ne kemi marrë të gjitha hapat për hapjen e Urës, është një proces, të gjitha janë transparente”, tha Ministri.
Ministri Sveçla tha se janë duke bashkëbiseduar me aleatët dhe se pjesë e diskutimeve s’është çështja se a duhet hapur apo jo, por kur është momenti për ta bërë një gjë të tillë.
“Jemi duke bashkëbiseduar me aleatët dhe KFOR-inë. Nuk është çështje e diskutimeve a duhet të hapur apo jo, por e momentit se kur duhet të hapet ura”, tha Sveçla në “Kallxo Përnime“.
Reklamë
