Qeveria pranon raportin për vrasjen e Arlinda Zekajt, Sveçla e Gërvalla nesër mbajnë konferencë

Zyra e Kryeministrit ka pranuar raportet lidhur me rastin e Arlinda Zekajt.

Sipas njoftimit, raporti do të trajtohet nga ministrat përkatës dhe nesër në ora 09:00 do të mbajnë konferencë për media ministrja Donika Gërvalla Schwarz dhe ministri Xhelal Sveçla.

Njoftimi i plotë:

Zyra e Kryeministrit sapo pranoi raportet e hollësishme nga Ministria e Drejtësisë dhe ajo e Punëve të Brendshme në lidhje me rastin e Arlinda Zekajt.

Së bashku me ministrat përkatës do të bëhet shqyrtimi dhe analizimi i tyre në detaje, për historinë dhe rrjedhën e rastit, për secilin lëshim e trajtim të papërgjegjshëm, për neglizhencë e mosreagim, si dhe gjithçka që lidhet me procedurën dhe përgjegjësinë institucionale.

Lidhur me këtë dhe veprimet e mëtejme, zëvendëskryeministrja dhe ministrja Donika Gërvalla Schwarz dhe ministri Xhelal Sveçla do të mbajnë një konferencë të përbashkët për media nesër në ora 9:00, në ZKM.