Lëvizja Vetëvendosje ka bërë publik sloganin e zgjedhjeve të parakohshme të 28 dhjetorit.
“Siguri dhe begati” është slogani i partisë që po synon të qeverisë edhe për 4 vjet të tjera, e që pohon se punon për pasuruar shtetin, shoqërinë dhe ata që nuk kanë.
Motoja e LVV-së bazohet mbi mos të lëshuarit pe.
“Ne punojmë për siguri dhe begati të vendit tonë. Ne nuk do të lëshojmë pe. Mos lëshoni dhe ju pe për Kosovën të begatë e të sigurtë” thuhet në njoftim.
Ky është postimi i plotë i partisë:
I ftojmë qytetarët tanë, kudo ku janë e punojnë që të mos lëshojnë pe nga kërkesa për begati e siguri.
Ne punojmë për ta pasuruar shtetin, shoqërinë, ata që nuk kanë, brezat e rinj, e mbi gjitha familjet, prindërit që punojnë çdo ditë me plot sakrifica.
Ne punojmë për ta pasur shtetin e sigurtë, ekonominë e forcuar, sigurinë e jetës, punës, familjes, sigurinë financiare çdo grua e burrë në vendin tonë.
Ne punojmë për siguri dhe begati të vendit tonë. Ne nuk do të lëshojmë pe. Mos lëshoni dhe ju pe për Kosovën të begatë e të sigurtë.
