Deputetët e opozitës në Shqipëri janë përplasur sot sërish me Gradën e Republikës përpara seancës së Kuvendit.
Deputetët e përjashtuar të opozitës kanë tentuar të futen në sallën e seancës plenare të Kuvendit, por nuk janë lejuar nga Garda.
Kjo ka shkaktuar dhe përplasje fizike mes disa deputetëve dhe punonjësve të Gardës duke thyer edhe xhamin e derës.
Kreu i Komisionit të Rithemelimit të PD-së, Sali Berisha tha se “janë disa deputetë të përjashtuar që nuk u takon të futen, por janë shumica që duhet të jenë në seancë”.
“Ky është tmerri nga opozita i Edi Ramës, i cili si rrugëzgjidhje ka gjetur të mos futet asnjë deputet i opozitës në parlament. Kjo është marrje e plotë në kontroll policesk të parlamentit nga garda e kuqe. Por sot kanë zgjedhur me urdhër të Edi Ramës të bllokojnë çdo deputet të opozitës së vërtetë në parlament”, tha ai për mediet, shruan ATSh.
Sot në seancë pritet edhe miratimi i Rregullores së re të Kuvendit, ku deputetët që krijojnë kaos rrezikojnë përjashtim me 2 muaj.
