Rrokulliset vetura e Policisë në veri, tre policë të lënduar

Një aksident trafiku ka ndodhur sot në rrugën magjistrale Ribariq-Mitrovicë, në të cilën është përfshirë një veturë e Policisë së Kosovës dhe tre policë kanë mbetur të lënduar, raporton Gazeta Sinjali.

Siç merr vesh Sinjali, vetura e Policisë është rrokullisur, ndërsa policët kanë pësuar lëndime të lehta trupore.

Në vendin e ngjarjes kanë dalë njësitet policore për të kryer të gjitha ekzaminimet e nevojshme për rastin.

Lajmin për Sinjalin e ka konfirmuar edhe zëvendësdrejtori i Policisë për rajonin e veriut, Veton Elshani.