Rrahmani ngacmon bashkëlojtarin e tij te Napoli kur Kosova mëson kundërshtarin e play-off-it

Kombëtarja e Kosovës ka mësuar kundërshtarin e saj në play-off për kualifikim në Kupën e Botës 2026: “Dardanët” do të luajnë ndaj Sllovakisë në transfertë.

Kapiteni i Kosovës, Amir Rrahmani, ndoqi shortin live nga dhomat e zhveshjes te Napoli. Kur u zbulua kundërshtari, ai nuk i rezistoi humorit – shkoi te bashkëlojtari i tij, Lobotka, i cili luan për Sllovakinë, dhe e ngacmoi në një moment miqësor dhe gazmor, duke treguar shpirtin konkurrues dhe atmosferën e mirë mes lojtarëve.

Kujtojmë se ndeshja do të zhvillohet në muajin mars, dhe Dardanët do të synojnë një hap historik drejt Kupës së Botës 2026, duke mbajtur shpresat e tifozëve të tyre gjallë.