Reshjet e dendura, Haradinaj: Qeveria t’i dalë në ndihmë qytetarëve

Ish-kryetari i Aleancës, Ramush Haradinaj, ka reaguar pas stuhisë së fuqishme që ka goditur tash e dy ditë Kosovën.

Përmes një postimi në Facebook, Haradinaj ka ftuar qeverinë në detyrë, që në bashkëpunim me komunat, të dalë në terren, të evidentojë dëmet e shkaktuara dhe të ndërmarrë veprimet e nevojshme për t’u dalë në ndihmë qytetarëve.

“Situata e krijuar pas stuhisë dhe të reshurave të rrëmbyeshme në Kosovë kërkon reagim të shpejtë institucional. Ftoj Qeverinë në detyrë që në bashkëpunim me komunat, të dalë në terren, të evidentojë dëmet e shkaktuara dhe të ndërmarrë veprimet e nevojshme për t’u dalë në ndihmë qytetarëve”, ka shkruar ai.