Real Madridi merr vendimin për Endrickun, refuzohet një tjetër kërkesë

E ardhmja e Endrickut duket se do të jetë sërish në “Santiago Bernabéu”. Pavarësisht interesimit nga disa klube evropiane, Real Madridi nuk ka ndërmend ta lejojë sulmuesin brazilian të largohet në ditët e fundit të merkatos.

Endricku ishte huazuar në janar te Olympique Lyon, me synimin për të fituar më shumë minuta dhe përvojë. Megjithatë, situata e tij është rikthyer në qendër të vëmendjes, pasi disa klube kanë shfaqur interes për të.

Sipas “OK Diario”, Real Sociedad ka pyetur së fundmi për mundësinë e transferimit të brazilianit. Përgjigjja e Real Madridit, megjithatë, ka qenë e prerë: Endricku nuk është në shitje dhe as huazimi i tij nuk është në plan.

Trajneri Jose Mourinho dëshiron ta ketë 20-vjeçarin në dispozicion për sezonin e ri. Pavarësisht konkurrencës në repartin ofensiv, tekniku portugez beson se një sezon i gjatë kërkon një grup të gjerë lojtarësh.

Kështu, me vetëm pak ditë deri në mbylljen e afatit kalimtar, Real Madridi duket se e ka marrë vendimin: Endricku do të qëndrojë në skuadër dhe nuk do të largohet, as përkohësisht.