Reagon Klinaku për bastisjen në banesën e dëshmorëve Fazliu: ZPS janë të poshtër, meqenëse nuk ka shtet serioz

Ushtruesi i detyrës së kryetarit të OVL-UÇK-së, Faton Klinaku ka reaguar pasi pjesëtarët e EULEX-it dhe Zyra e Prokurorit të Specializuar të Kosovës janë duke e bastisur banesën e familjarëve të heronjve, Fahri e Bahri Fazliu në Kodrën e Diellit në Prishtinë.

Ai tha se Zyra e Prokurorit të Specializuar në Hagë, në mungesë të fakteve, po vazhdojnë me filmat e tyre.

“Zyra e Prokurorit të Specializuar në Hagë, në mungesë të fakteve, vazhdojnë me filmat e tyre.

Që në orët e para të mëngjesit të sotëm kanë filluar bastisjet e banesës së familjes së heronjve Fahri e Bahri Fazliu në ‘Kodrën e Diellit’ në Prishtinë. P.S ZPS janë të poshtër, meqenëse nuk ka shtet serioz”, ka shkruar ai.