“Kurti nuk do të hezitojë të veprojë pasi ta marrë raportin”, Maqedonci për kërkesat për dorëheqje të Gërvallës dhe Sveçlës

Ministri i Mbrojtjes, Ejup Maqedonci, ka thënë se do të ketë masa ndaj atyre që dështuan në rastin e Arlinda Zekajt, e cila u vra nga kunati i saj në Vitomiricë të Pejës.

Ai në emisionin Compass me Ilir Berishën, derisa u pyet për kërkesat për dorëheqje të ministrave Gërvalla e Sveçla, u shpreh se kryeministri Kurti do të veprojë sapo ta marrë raportin që e ka kërkuar lidhur me këtë rast.

Po ashtu, ai shprehu ngushëllime për familjarët e Arlindës.