Protesta kundër vrasjes së grave, hedhet ngjyrë e kuqe para kordonit të policisë

Protesta e nisur në sheshin ‘Zahir Pajaziti’ në Prishtinë, e organizuar nga Kolektivi për Veprim Feminist, kundër vrasjes së grave, është zhvendosur tani përballë stacionit policor “Qendra”. Protestuesit kanë hedhur ngjyrë të kuqe para kordonit të policisë teksa kanë kërkuar drejtësi për vrasjen e Liridonës.

Protesta deri tani ka kaluar pa incidente ndërsa policia ka bllokuar edhe qarkullimin e automjeteve ne rrugën “Luan Haradinaj”.

Protesta e nxitur nga vrasja e 30-vjeçares Liridona Ademaj me porosi të bashkëshortit të saj, Naim Murselit, nisi me thirrjet “Liri, barazi, solidaritet”.