Procredit Superliga vjen me xhiron e 9-të në fundjavë

Këtë fundjavë pritet të rikthehet Procredit Superliga e Kosovës në basketboll,ku në program pritet të zhvillohet xhiroja e 9-të.

Të shtëunën pritet të zhvillohen dy takime,ku lideri aktual Bashkimi do të synoj që të këndellet nga humbja e parë sezonale nga Vëllaznimi kundër Rahovecit 029,teksa në anën tjetër e njëjta skuadër do të tentoj fitoren e 4-të këtë sezon.

Ndërkohë një ndeshje tjetër do të zhvillohet edhe takimi ndërmjet Boras dhe Sigal Prishtinës,ku ekipi bardhëkaltër dëshiron të iu rikthehet fitoreve pas humbjes kundër Golden Eagle Yllit teksa Bora do të tentoj të shkaktoj befasi.

Të dielën pritet të zhvillohen edhe dy takime të tjera,ku kampioni aktual Trepca e pret në Minatori skuadrën e Vëllaznimit kurse GO+Peja luan në udhëtim kundër Golden Eagle Yllit.