Pritje deri në dy orë për të dalë nga Kosova përmes pikës kufitare të Merdarit

Pritjet e mërgimtarëve për të dalë nga Kosova po vazhdojnë ende të jenë të gjata edhe këtë fundjavë.

Sipas të dhënave nga Qendra Kombëtare për Menaxhim Kufitar,  pritjet për të dalë nga Kosova përmes pikë-kalimit kufitar në Merdar mëngjesin e hershëm të së shtunës shkojnë deri në dy orë.

Sipas këtyre raportimeve bëhet e ditur se bashkatdhetarët po presin në një kolonë prej 1000 metrash.

Pritje për të dalë nga Kosova ka edhe në pikë-kalimin kufitar Dheu i Bardhë deri në 70  minuta, e që kolona shkon deri në 300 metra.

Në pikë-kalimin tjetër kufitar me Serbinë, Mutivodë pritjet për të dalë nga Kosovë shkojnë deri në një orë derisa radhët shkojnë deri në 200 metra.

Në pikat tjera kufitare nuk raportohet për kolona e pritje të gjata, por procedurave të zakonshme administrative.

Përditësimet e të dhënave janë të orës 7:49.