Presidenti libanez thotë se po zhvillohen komunikime për të zgjatur armëpushimin Izrael-Liban
Janë duke u zhvilluar komunikime “për të zgjatur afatin e armëpushimit” mes Izraelit dhe Libanit, ka thënë presidenti i Libanit, Joseph Aoun.
Kjo vjen para raundit të dytë të bisedimeve në Uashington DC të enjten mes dy vendeve, të cilat ndodhen në një armëpushim të përkohshëm 10-ditor që hyri në fuqi në orën 17:00 EST (21:00 GMT, mesnatë sipas kohës lokale) më 16 prill.
Reklamë
Në një postim në X, Aoun thotë se bisedimet që po përgatiten janë “të bazuara në ndalimin e plotë të agresioneve izraelite, arritjen e tërheqjes së Izraelit nga territoret libaneze, kthimin e të burgosurve, vendosjen e ushtrisë në kufijtë ndërkombëtarë dhe fillimin e rindërtimit të asaj që u shkatërrua gjatë kësaj lufte”.
Aoun thotë se qëndrimi i Libanit për “negociatat është i qartë: pa lëshime, pa pazare dhe pa dorëzim, përveç asaj që garanton sovranitetin e Libanit dhe interesat e të gjithë libanezëve”.
Mbështetja nga SHBA-ja i ka ofruar Libanit një “mundësi që nuk duhet ta humbasim”, thuhet në postimin e zyrës së tij.
Reklamë
