Policia e Kosovës përmes një njoftimi ka kërkuar ndihmën e qytetarëve për gjetjen e një personi në Prishtinë, i cili dyshohet për veprën penale “Zjarrvënia”.
Policia ka publikuar fotografinë e të njëjtit, i cili dyshohet se veprën e ka kryer me datë 24.08.2023, në rrugën “Vicianum” në Prishtinë.
“Me qëllim të zbatimit efikas të procedurës, në hetimin që po zhvillohet për rastin “Zjarrvënie” të ndodhur më 24.08.2023, në rrugën “Vicianum” në Prishtinë, kërkojmë nga publiku i gjerë kontributin qytetar që me informacionet e tyre të ndihmojnë në drejtim të identifikimit të personit të dyshuar sipas tipareve fizike apo lokalizimin e vendndodhjes së të dyshuarit të shpallur në kërkim”, thuhet në njoftimin e policisë.
