Policia e Kosovës me plan operativ për ndalimin e ngacmimeve seksuale në veri

Policia e Kosovës ka nisur një plan tre mujor për të parandaluar ngacmimet seksuale ndaj grave në veri të vendit.

Veton Elshani, zëvendësdrejtor i Policisë për rajonin e veriut, tha për Radion Evropa e Lirë se tashmë janë vendosur ekipe me kamera në pesë rrugë të Mitrovicës së Veriut.

Ai shtoi se gjatë natës do të patrullojnë hetues civilë, ndërsa do të ndalohen automjetet me xhama të errët dhe personat e dyshimtë

Sipas Elshanit, plani synon të rrisë sigurinë dhe besimin e grave për të raportuar rastet e ngacmimeve, të cilat shpesh nuk janë denoncuar nga mungesa e besimit në institucione.