Policia ka zhvilluar një aksion policor në Gjakovë, që kishte cak një lokal ku dyshohej se ushtrohej veprimtari e kundërligjshme e bixhozit dhe organizimit të skemave piramidale.
Siç merr vesh Gazeta Sinjali aksioni është zhvilluar në orët e hershme të mëngjesit, të datës 22 mars, në një objekt banesor në Gjakovë.
Si rezultat i këtij aksioni, Policia ka arrestuar 10 persona të dyshuar, të cilët, pas intervistimit në prani të avokatëve mbrojtës, me vendim të Prokurorit të Shtetit janë dërguar në mbajtje për 48 orë.
Tasti po hetohet në drejtim të veprave penale: “Organizimi i skemave piramidale apo bixhozit të paligjshëm”, “Mbajtja në pronësi, kontroll ose posedim i paautorizuar i armës”.
Ndërsa, Policia gjatë operacionit ka gjetur dhe sekuestruar: Tre aparate të lojërave të fatit (APEX); rreth 6 mijë euro dhe disa qindra të tjera në valuta të ndryshme të vendeve të tjera; “qipa të pokerit” dhe letra bixhozi si dhe një pistoletë me një karikator.
