Pirja e dy deri në tre filxhanë kafe në ditë është zbuluar se ul rrezikun e zhvillimit të sëmundjeve të zemrës, dështimit të zemrës, problemit me ritmin e zemrës ose vdekjes së hershme për çfarëdo arsyeje nga 10% deri në 15%, thotë studimi i bazuara në të dhënat e UK Biobank, përcjell atvlive.tv.
Studimet kanë ekzaminuar marrëdhëniet midis pirjes së kafes dhe problemeve me ritmin e zemrës, sëmundjeve kardiovaskulare dhe vdekjeve në mesin e atyre me dhe pa sëmundje të zemrës, duke përdorur të dhënat shëndetësore, si aktivitetin fizik, alkoolin, duhanin, diabetin dhe tensionin e lartë të gjakut të më shumë se 500,000 njerëzve.
Hulumtimi gjithashtu zbuloi se konsumimi i moderuar i kafes nuk rrit rrezikun e sëmundjeve të zemrës, andaj nuk duhet ndaluar së konsumuari nëse një person ka sëmundje të zemrës, madje edhe nëse ka një ritëm të çrregulluar të zemrës.
Rezultatet do të prezantohen në Sesionin Shkencor vjetor të 71-të të Kolegjit Amerikan të Kardiologjisë në fund të prillit.
Megjithatë, ekspertët nuk kanë vërtetuar se pirja e kafesë shkakton drejtpërdrejt këto përfitime shëndetësore dhe se nevojiten më shumë kërkime për të kuptuar saktësisht se cilët faktorë janë marrë parasysh gjatë analizës së këtij studimi. /atvlive.tv
